Путь Словакії до Европской унії (ЕУ) ся зачала по взнику незалежной Словацькой републикы в року 1993. В октобрі в тім самім року втодійшный премєрь Владімір Мечіар підписав в Луксембурску договор о припоїню СР к Европскій унії, такзваный Асоціачный договор. В маю в 1994-ім року по славностнім одовзданю документу а асоціачнім штатуті ся Словакія, вєдно з дальшыма девятіма країнами вчленила меджі асоціованых членів Западоевропской унії. Жытелі Словацькой републикы одобрили в референдумі, котре ся одбыло 16-го і 17-го мая 2003-го року, вступ країны до ЕУ. За членство Словакії в ЕУ ся высловило 92,46 процента участных воличів, проти было 6,2 процента. В авґусті 2003-го року підписав Рудолф Шустер ратіфікачный документ к Договору о припоїню Словакії к ЕУ. Презідентьскым підписом Словакія ратіфіковала свій вступ до ЕУ. Договор о розшыріню Унії о 10 новых членьскых країн по ратіфікації членьскыма штатми надобыло діяня 1-го мая 2004-го року. (TASR, Pkf)