На дофінанцованя ставб, котры мать місто Пряшів одобрены в плані інвестичной выставбы, пряшівськы містьскы посланці вчера одобрили увер у вышкі 4 міліонів евр. Причинов є зла сітуація повязана з пандемійов. Радниця предпокладать дефіціт в бютжеті у вышкі скоро 6,5 міліонів евр. В споминанім увері є подля схваленого матерялу зарахувана главні сума потрібна на реконштрукцію Ярьковой улиці, котрой розпочтована сума в плані інвестицій на рік 2020 была лем 300.000 евр, причім цалкова предпокладана сума заказкы представувала вецей як 4,7 міліонів евр. Решту уверу, 700.000 евр, радниця планує окрім іншого схосновати на дофінанцованя реконштрукції зимного штадійона і на ставбы, котрых бютжет по реалізації общого обстараваня є вышшый против предпокладаным сумам. (TASR, Pkf)