Апліковати тзв. сабатікал в довжкі 6 аж 12 місяців, павзу од каждого стереотіпу до леґіслатівы пропонує мімопарламентный рух Проґресівне Словеньско. Є то спосіб передходити працовному выгоріню. Повів то вчера одборник руху на соціалны темы Міхал Паленік. Мать то быти вольно, в часі котрого ся може робітник концентрувати на довгочасови цілі, робити на особнім рості, абсолвувати стажы, звышыти собі кваліфікацію. „Пропозиція є, абы чоловік, котрый быв послідніх  10 років поіщеный в незаместнаности в Сосіалній поіщовні, ся буде мочі договорити зо заместнавательом на сабатікале в довжкі 6 аж 12 місіяців. В часі нього бы зо Соціалной поіщовні брав суму 70% чістого заробітку, то значіть 50 % выміряваючого закладу,“ інформувало Проґресівне Словеньско.  З леґіслатівного боку бы ся на такого чоловіка позерало як на евідованого кандідата о роботу  і на особу на матерьскій з тым, же до пензії піде о довжку сабатікалу пізніше. (TASR, Пкф)