Профсоюзници вже вызберали 290 тісяч підписів під петіцію, котра жадать обмеджіня пензійного віку. Покля депутаты на найблзшім засіданю парламенту не схвалять конштітучный закон в другім чітаню, хотять профсоюзы выкликати референдум. „Мы самособов далше збераме підписы під петіцію, ку днешньому дню маєме 290 тісяч підписів, што є шумне чісло. Вірю тому, же покля бы в парламенті не перешов тот закон, подарить ся нам вызберати 350 тісяч, жебы сьме могли дати петіцію до Презідентьского палаца і пожадати пана презідента, жебы выписав в даякім часовім горізонті референдум о тій темі,“ повів у понедільок председа Рады OZ KOVO Еміл Махіна. О зміні конштітуції, котров бы ся задефіновав максімалный вік одходу до пензії ся буде голосовати тот тыждень. Пропозіцію зміны конштітуції дав парламент до другого чітаня іщі минуле літо. Леґіслатівну зміну партії SMER-SD підтримало 93 депутатів, за голосовали і дакотры опозічны депутаты, наприклад з руху Sme rodina ці ĽSNS.

(Медвідь, TASR)