Проти крокам словацькой влады ся вчера вечурь протестувало в многых містах Словакії. Мітінґы скликали опозичны партії PS, SaS і KDH. Протестують главні проти рушіню Уряду шпеціалной прокуратуры. На братіславскім протесті перед Урядом влады СР выступили лідры політичных партій, але і знамы особности. Окрім главного міста ся протесты одбыли і в Кошыцях, Нітрі, Жіліні і Банскій Быстріці. PS, KDH і SaS зачали і вызву проти дештрукції правного штату, котру підписало уж высше 30.000 людей. Сіґнатары вызывають владу на стягнутя пропозицій законів, котры рушать Уряд шпеціалной прокуратуры, понижують тресты за корупцію і беруть членам Поліцайного збору статус храненого ознамователя. (TASR, Pkf)