В правнім штаті є нормалне, кідь прокуратор не є згодный з правным поглядом досліджователя на існуваня причіны арешту. Не суть але позволюючі особны аґресівны атакы на досліджователів, прокураторів і судців, котры невырішують подля представ. Поуказав на то Уряд шпеціалной прокуратуры (ÚŠP) у звязку з поступом орґанів діючіх в карнім діяню в припаді обвиненого експрезідента Поліцайного збору Тібора Ґ. і Романа С. Прокуратор ÚŠP своїм приказом пропустив Тібора Ґ. зо затриманя, протоже у нього невідів причіны колузного арешту. В припаді обвиненого Романа С. прокуратор  ÚŠP дав пропозицію на зобратя до арешту з причіны колузного арешту. Тібора Ґ. і Романа С. затримали і обвинили 11-го авґуста. Досліджователь подав в суботу (12. 8.) імпулз на їх арештованя. Судця про приправне діяня Шпеціалізованого карного суду в Пезінку в сітуації Романа С. неуспокоїв пожадавку прокуратора на його арештованя і пропустив го з поліцайного затриманя. (TASR, Pkf)