Найменшым селом на Словакії є з боку чісла обывателів село Прикра в окресі Свідник. Жыє в нім 12 людей. На другім місці є село Ондавка в окресі Бардійов і Гавранець з окресу Свідник, котры мають по 15 обывателів. За нима наслідує село Шарбов з окресу Свідник зо 17 обывателями. Выходить то з выслідків Зрахуваня обывателів, домів і квартель (SODB) в року 2021, котре пресаґентурі TASR дала говоркыня про SODB Ясміна Стаудер. Говоркыня окрім іншого поуказала і на тот факт, же вшыткы села, котры ся своїм чіслом обывателів вчленюють меджі найменшы в СР, суть порівняно зо серединов молодшы і школованішы, то значіть переважують в них обывателі з цілком середньов і высокошколсков освітов в продуктівнім віці. (TASR, Pkf)