Премєр Іґор Матовіч на днешнім засіданю влады хоче запропонувати рішеня огранічіти вольне рушыня осіб, а то од 8-го апріля до 13-го апріля, з одхыліням доріг до і з роботы, накупованя, навщівы лікарїв, перебываня в природі в рамках окресу, похорону близького, старостливість о близького ці сусідской помочі. Председа влады то ознамив в неділю по стрічі з одборниками. До скінченя приправы днешніх радіоновин покы выслідок рішеня влады іщі непознаме.