Премєр СР Іґор Матовіч ся в середу стрітне в Празі з премєром ЧР Андрейом Бабішом. Стане ся так в часі його першой офіціалной заграничной навштівы. TASR о тім інформував пресовый і інформачный одбор Уряду влады СР. Премєры бы мали говорити о актуалній пандеміцькій сітуації в обідвох країнах. Діскутовати будуть тыж о взайомных білатералных односинах, але і о плані обновы Европской унії у вышкі 750 міліярд евр, котры в середу представила председничка Европской комісії Урсула вон дер Лейенова. В рамках офіціалной навщівы ся Матовіч стрітне і з дальшыма уставныма представителями Ческой републикы. (TASR, Pkf)