Презідентка СР Зузана Чапутова немать надале зодповіданы многы важны вопросы повязаны з планом територіялного тестованя обывателів Словакії у звязку зо захворіньом COVID-19. Про пресову аґентуру TASR то повів говорця презіденткы Мартін Стріжінец. Премєр Іґор Матовіч покы некомуніковав з презідентков, потвердив Стріжінец. На марґо того, же о цілотериторіялнім тестованю презідентку СР неінформував, Матовіч в неділю по вынятковім їднаню влады повів, же немусить быти як началник Озброєных сил СР інформувана о каждім кроку.  (TASR, Pkf)