Председа влады Петер Пеллеґріні (SMER-SD) максімално оцінює выслїдкы роботы поліції і прокуратуры. Увів то в реакції на обвинїня поднікателя Маріана К. з обєднавкы вражды новинаря Яна Куціака, коло котрой забили і єго снубеніцю Мартіну Кушнїрову. ,, Од самого початку є пріорітов моёй  влады обєктівне вышетріня вражды двох молодых людей, а зато максімално оцінюю выслїдкы роботы поліції і прокуратуры.” увів с тым, же од ёго наступу до влады з великым непокоём внимав спохыбнёваня незалежности і професіоналіты орґанів чінных в трестнім конаню зо страны опозіції і різных актівістів. ,,Днесь ся указує, же тоты похыбности не были на місцї. Буду все заставати правило рівности перед закономі, жадати вольну руку про поліцію і прокуратуру, жебы могли професіонално выконовати свою роботу,” доповнив премєр. В басї триманого подникателя Маріана К., обвинили з обєднавкы вражды новинаря і ёго снубеніцї. Куціакову вражду собі мав обвиненый обєднати про ёго журналову роботу. Обєднаватель за вражду заплатив мінімално 70.000 евр. Окрем Маріана К.суть обвинены і Алена Зс.,Томаш Сз, Мірослав М. і Золтан А. Вшыткы суть в арештіі.

 (TASR, Шутіова)