Словацькый премєр Петер Пелеґріні позве америцького презідента Доналда Трампа на Словакію днесь бігом стрічі у Вошінґтонї. Припадный термін навщівы зохабить на америцькій адміністратіві. Пелеґріні то увів про медії бігом проходячой навщівы Споєных штатів. Одмітнув, жебы в сучасности перебігали приправы на Трампову навщіву СР. ,, Є цалком природне і патрить ся, жебы єм бігом рокованя з презідентом позвав презідента на навщіву СР. Буде то позваня обще, не буде ся притримовати конкретного датуму. Самособов, бы было про нас великов почливостёв, жебы сьме го могли гостити коло даякой вызначнїшой подїї, але тото позваня, котре му буду адресовати, є обще і буде залежати уж лем на америцькій странї, коли, кедь вобец, даякый термін своёй драгы на Словакію найде.” підкреслив премєр на медіалізованы справы, же америцкый презідент бы мав навщівити Словакію в авґустї.              

(TASR, Шутіова)