Председа влады СР Роберт Фіцо (Smer-SD) одпутує в суботу вечур на офіціалну навщіву Корейской републікы. В головнім містї Соул ся стрїтить з корейскым презідентом Сук-Йеол Йоном і председом влады Дак-Со Ганом. ,,Головныма замірами пути є повышїня одношінь меджі СР і Корейсков републіков на уровень стратеґічного партнерства, але тыж господарьска співробота враховано ядровой енерґетікы, автомобілового промыслу, роботікы і покрочілых технолоґій,“ приближыв Уряд влады. Довав, же темов навщівы буде і кооперація коло реконштрукції і повойновій обнові Україны. Частёв словацькой делеґації буде і підпредседнічка влады а міністерка господарьства Деніса Сакова (Hlas-SD) i штатный таёмник міністерства загранічных дїл Растїслав Хованець. Премєр ся на Словеньско верне у віторок.

(TASR, Шутіова)