Окрім участи на неформалнім саміті Европской унії премєр Словакії Роберт Фіцо в понедільок стрітив ся в Бруселі і з еврокомісарями про енерґетіку Даном Єрґенсеном і про демокрацію і правну державу Майклом Мекґратом. Стрічу з Єрґенсеном Фіцо означів за „традічну“, кедьже бісідовали о додавках ґазу про Словакію. З Мекґартом бісідовали о рихтованій новелізації Конштітутції СР. Подля Фіца словацька влада вєдно з Европсков комісійов робить на додавках ґазу з Азербайжану до Словакії. Подля премєра бы то забезпечіло „добры, квалітны і безпечны додавкы“ ґазу про потребы Словакії, єдночасно бы ся міг обновльовати транзіт ґазу через Словацьку републіку. Мекґартови Фіцо представив замір влады дати до конштітуції установліня, же Словацька републіка розпознає лем два полы – мужскый і женьскый.

(Медвідь, TASR)