Презiдент СР Петер Пеллегріні в середу призначів Самуела Міґаля до функції міністра інвестіції, реґіонального розвоя і інформатізації. Сучасно прияв демісію теперішнього шефа резорту Ріхарда Рашіго (Глас-СД). Міґаль дотепер діяв як невчлененый посланець парламенту по тім, як го вылучили з посланецького клубу Hlas-SD. Міністром ся став на основі договору, котрый іщі як невчлененый посланець підписав з премєром Робертом Фіцом. Договор мать окрім новых місць у владі принести стабілну підпору владной коаліції. Фіцо в середу авізовав, же на найблизшім засіданю Народной рады (НР) СР бы мала ся обновити підпора 79 посланців. Міґаль вычеряв на місці міністра Ріхарда Рашіго, котрый є підпредседом партії Hlas-SD. Раші ся мать на основі договору в коаліції стати новым председом НР СР. (TASR, Pkf)