Презідент є рад, же резорт здравотництва може продовжовати з новым шефом
Презідент Петер Пеллеґріні є рад, же резорт здравотництва може продовжовати з новым міністром. Підкреслив, же од авізованя демісії бывшой міністеркы Зузаны Долінковой (Hlas-SD) не перешов ани тыждень. Голова штату то выголосила по четверёвім выменованю нового міністра здравотництва Каміла Шашка (Hlas-SD). Презідент підкреслив, же в тій функції ся од взнику самостатной СР вычеряло найвеце міністрів. ,,І то свідчіть о тім, же іде о барз важный резорт, затоже ся прямо дотулять здравя, як найвысшой годноты многых людей на Словакії,“ выголосив презідент. Додав, же на якостну і доступну здравотну старостливость мусять мати люде нарок в каждій части Словакії. Силный штат ся подля нёго мусить быти годен постарати о обчанів. Пеллеґріні на нового міністра здравотництва апеловав, жебы не забыв, же резултатом ёго місії у функції є што найвеце здравых людей а жебы хворы достали што найлїпшу старостливость.
(TASR, Шутіова)
- Назад / Nazad Влада одобрила высше 1,5 міліона евр про окресы Малацкы і Пезінок
- Далше / Dalše Днесь зачав 30-ый річник Штудентьской квапкы крові