Презідент СР Петер Пеллегріни днесь одыйшов до Ріма, де абсолвує тройдньову робочу навщіву Святого престолу. Іде о його другу навщіву  Ватікану од зачатку выконаваня його  презідентськой функції. Драга одбуде ся з нагоды Народной процесії Словаків до Ріма в Юбілейнім року 2025. До Вічного міста прибуде коло 4000 словацькых путників, котры ся припоять к мілійонам віруючім з цілого світу. Інформують о тім з канцеларії  презідента СР. (TASR, Pkf)