Свято вшыткых святых і Памятка помершых суть моментом жертвованя спомінкы тым, котры уж не суть меджі нами, но і оцїнити дар, же маме коло себе близкых і приятелїв. З нагоды надходячіх ,,душічковых“ днїв то у відеу на соціалній сїтї припомянув презідент Петер Пеллеґріні. Надходячі святочны хвілї суть про нёго часом, почас котрого бы мав чоловік спомалити, перечути дотык з вічностёв а покору перед плынутём часу а вшыткым, што людьскый жывот пересігує. ,,Жертвуйме тоты хвілї молитві ці задуманю при спомінцї на тых, котры уж не суть меджі нами, но все оставають в нашім сердцї,“ вызвав. Свята суть подля нёго зарівно і часом оцїнити притомность близкых і приятелїв. ,,Є то дар, котрого цїну сі в тых днях усвідомлюєме веце як другыраз,“ повів презідент.

(TASR, Шутіова)