Презідент СР Андрій Кіска передав нїмецкій канцеларцї Анґелї Меркел найвысше штатне вызнаменаня СР Рад Білого двойкрижа 1. класы. Кіска тым способом оцїнив Меркеловой вынятковы заслугы о шырокоспектралный розвиток одношінь меджі Словакіов і Нїмецьком. „Тото оцїнїня є зарівно проявом вдячности і узнаня за особный вклад канцеларкы ку посилнёваню єдноты в Европі, а то головно в ключовых моментах єй недавной історії, а тыж за охорону і просаджованя годнот слободы, демокрації і соладіріты“, інформовала канцеларня презідента.

Нїмецька канцеларка пришла до Братїславы, жебы брала участь на стрїтнутю лідрів країн В4. Головнов темов розшыреного формату В4 была передовшыткым приправа нового вецерічного фінанчного рамца ЕУ на рокы 2021-2027, надходячі вольбы до Европского парламенту цї будучность ЕУ.

                                                                                                                                                                                                                                           (ТАSR, Шутіова)