Презідент СР Петер Пеллеґріні призначів днесь Рудолфа Гуліака за нового міністра турістичного руху і шпорту. На данім місці вычеряв Душана Кекетіго, котрого глава штату одкликала. К зміні дошло у звязку зо сітуаційов у владній коаліції і змінов пропорції посланців в Народній  раді СР. Міністерство турістичного руху і шпорту СР перешло по управі коалічного договору од SNS під партію Smer-SD. Пропозицію на вычеряня на тім місці одовздав презідентові минулый тыждень премєрь Роберт Фіцо. Частьов персоналной пропозиції на нового міністра  была і декларація о підпорі влады і єй проґрамового выголошіня, котру підписали четверо невчленены посланці коло Гуліака. (TASR, Pkf)