Выникнутя Чехословакії быв фундамент про незалежну Словацьку републіку, выголосив презідент Словакії Петер Пеллеґріні при нагоді 106-ой річніці выникнутя Чехословацькой републікы. Голова державы собі в понедільок річніцю припомянула при Памятнику чехословацькой державности в Братіславі. Презідент припомянув особу Мілана Растіслава Штефаніка, котрый подля нього вызначно допоміг основаню чехословацькой державы. Єднако як і далшы особности, котры подля нього помагають, жебы Словакія была модернов, демократічнов і цівілізованов країнов.

(Медвідь, TASR)