Про домашнє і загранічне оточіня бы было добрым сіґналом, покля бы Словакія мала рядні зволеного председу Народной рады Словацькой републікы. В розговорі про TASR то повів презідент Словацькой републікы Петер Пеллеґріні. Презідент повів, же кебы днесь быв у владній коаліції, дав бы то як єдно із фундаменталных условій, без котрого бы дале коаліція не могла рушыти ся. За його словами бы то пак было вырішене барз скоро. З позіції презідента може за властныма словами на зволіня председы парламенту апеловати і коаліцію вызывати публічно і непублічно. Функція председы Народной рады є необсаджена од апріля 2024-го року, кедь втогдышній шеф парламенту Петер Пеллеґріні выграв у презідентьскых вольбах.

(Медвідь, TASR)