Або прінціпіална реконштрукція влады, котра бы здобыла довіря в парламенті і неполарізувала бы сполочность, або предчасны парламентны вольбы. То суть дві рішеня, котры в сучасній політічній ситуації видить презідент СР Андрей Кіска. Ознамив, же тыждень чекав на то, якы крочаї зробить владна ґарнітура на змірніня напятя в країні по убивстві новинаря Яна Куцяка і його приятелькы Мартіны Кушніровой. “Вызерать то так, же ниякы рішіня нерыхтує, невиджу ниякы планы вывести країну з кризы довіря,“ выголосив Кіска. З той причины вырішыв, же в найближшых дньох зачне їднаня з політичныма партіями о тім, як собі представляють будучність, фунґованя влады і опозиції а головно, як зачати з обновліням довіря людей в країні.
(TASR)