Презідетнка Словацькой републікы Зузана Чапутова і ізраільскый презідент Їцхак Герцоґ оцінили добры взаємны односины країн. У веце областях видять простор на проглубліня співпраці Словакії і Ізраіля. Почас понедільковой навщівы ізраільского презідента в Братіславі занимали ся і сітуаційов на Україні а Блзикім Выході, як і далшыма актуалныма темами. Інформовали о тім на сполочній пресконференції в Презідентьскім палаці. Герцоґ вірить, же його навщіва поможе співпраці в господарьскій, културній, академічній ці науковій области. Запросив так само на співпрацу при приправі на кліматічну крізу і їй дослідкы. Прикладом партнерства Словакії і Ізраіля є подля нього кооперації при гуманітарній помочі про Україну. Обидвоми презіденты підчеркли меджілюдьскы контакты меджі країнами.

(Медвідь, ТASR)