Публічный образ спорів ослаблює довіру людей у фунґованя прокуратуры як цілку. Презідентка Словацькой републікы Зузана Чапутова то повіла по понедільковій робочій стрічі з ґенералным прокуратором Марошом Жілінком. За словами Мартіна Стріжінця, говорцю презіденткы, голова державы запросила на робочу стрічу ґенералного прокуратора іщі минувшый тыждень в повязаню з видительно напруженыма односинами меджі ґенералным прокуратором і шпеціалным прокуратором Даніелом Ліпшіцом. Інформацію принесла аґентура TASR.

(Медвідь, ТASR)