Презідентка Зузана Чапутова небуде реаґувати на пропозицію лідра OĽANO Іґора Матовіча на пониженя заробітків посланців і презіденткы. Єй говорця Мартін Стріженец про пресаґентуру TASR увів, же уж в септембрі 2022-го року Чапутова пожадала  премєра Едуарда Геґера, абы при приправі розрахунку переоцінив пониженя єй заробітку о вышку, котру узнать “за вгодну і одповідаючу  актуалній економічній сітуації в країні“. Єдночасно пожадала, абы тото пониженя было рефлектовано в леґіслатівні управі заробітків уставных діятелів. (TASR, Pkf)