Презідентка Словацькой републікы Зузана Чапутова підписала новелу закона о державнім гражданстві, в смыслі котрой словацькы гражданы не будуть мусити стратити словацьке гражданство по приятю чуджого. Аґентуру TASR о тім інформовав говорця презіденткы Мартін Стріжінєц. Словацьке гражданство по новому можуть собі утримати гражданы, котры здобудуть чудже гражданство, „покля мають на теріторії державы, котрой державне гражданство здобыли, позволене, реґістроване або іншак евідоване перебываня в часі здобытя чуджого гражданства найменше пять років, і передложать документы досвідчуючі тоты факты“. Не стратить гражданство ани недоросла дітина, котрой родіч зіставать гражданом Словакії.

(Медвідь, TASR)