Віфлеємске світло уж світить і в Презідентьскім палаці. В понедільок пополідне го з рук скавтів перевзяла презідентка Словацькой републікы Зузана Чапутова. Голова державы твердить, же тот рік є Віфлеємске світло окрім іншого і сімболом рішіня а одвагы, іншак є то традічный сімбол покоя і міру. Як повіла презідентка, думать, же то суть тоты цінности, котры собі потребуєме в тім складнім періоді усвідомити і спритомнити почас Рождественных свят. Скавтам подяковала за їх роботу, котру почас рока выконують, і за то, же утримують традіцію Віфлеємского світла на Словакії. Началник Словацького скавтінґу Ян Мітрік повів, же Віфлеємске світло принесли презідентці як першій на Словакії. Словацькы скавты світло перевзяли в суботу вечур од скавтів з Австрії, в неділю го передали на польско-словацькых і україньско-словацькых граніцях.

(Медвідь, TASR)