Влада Людовіта Oдора буде з обмедженыма компетенціями владнути аж до зоставлїня нового кабінету по передчасных септембровых парламентных вольбах. По не высловлїню довіры в парламентї ю у четверь одкликала а зарівно повірила владнутём презідентка Зузана Чапутова. Посланцї Народной рады СР у четверь не прияли проґрамове выголошіня влады. За голосовало 34 посланцїв зо 136 притомных, проти было 43 посланцїв, 54 ся стримало голосованя а 5 не голосовали. То, же векшына посланцїв одмітла высловити владї одборників довіру без пересвідчівых вецных арґументів, означіла голова штату за незрїлый постой.

(TASR, Шутіова)