Презідентка Словацькой републікы Зузана Чапутова в понедільок передала повіріня на зоставліня влады председови партії Smer-SD, котра выграла суботняйшы парламентны вольбы, Робертови Фіцови. Фіцо має на зоставліня влады 14 днів. Інфомровала о тім в понедільок презідентка з тым, же іщі вчера мала стрічу і з председом партії Progresívne Slovensko Михалом Шімечком. Днесь стрітила ся і з далшыма представителями партій, котры дістали ся до парламенту – председом партії Hlas-SD Петром Пеллеґріні, і шефом KDH Міланом Маєрьскым. Окрім Роберта Фіца неформалны їднаня о зоставліню новой влады веде і председа проґресівців Шімечка.  Хоче зістити, ці існує воля і простор створити алтернатівну векшыну в парламенті. Роберт Фіцо іщі в неділю повів на пресконференції, же покля дістане повіріня од презіденткы, Smer-SD буде потребовати холем два тыждні на конзултації і обговоріня свого проґраму з можливыма партнерами в новій коаліції. Єдночадно вчера повів, же зроблять вшытко, жебы выникла влада Словацькой републікы.

(Медвідь, TASR)