Презідентка Словацькой републікы Зузана Чапутова одышла днесь рано до Літвы, де бере участь на саміті Североатлантічной аліанції. У Вільнюс презідентку допроводять міністер загранічных діл Мірослав Влаховскый і шеф резорту обороны Мартін Скленар. Саміт закінчіть ся в середу. За словами говорцю презіденткы Мартіна Стріжінца іде о выняткoво важный саміт, котрый реаґує на згіршену безпечностну сітуацію в Европі од початку російской інвазії на Україні. Про Словакію подля його слов зістає пріорітов головно способ розміщіня противоздушной обороны на выходній граніці так, жебы были вшыткы державы включно Словакії достаточно хранены.

(Медвідь, TASR)