Єднов з найвекшых гам розвитку Словакії є некултурность, головно в політіці, а множество конфліктів у сполочности. Повіла то презідентка Зузана Чапутова у своїм новорічнім приговорі, котрый быв їй остатнім у функції презіденткы. Чапутова так само припомянула, же вольбами не сміють ся мінити демократічны цінности. Некултурность ці конфлікты суть подля головы державы про многых барьєров зістати на Словакії ці навернути ся домів. Вказала і на то, же неприятельство стає супроводным знаком публічного жывота а проходить то і до звычайных людьскых односин. Презідентка апеловала на охрану і просаджованя конштітучных демократічных цінностей. Вызвала і на адресну поміч людям.

(Медвідь, TASR)