Презідентка Зузана Чапутова непозвала шефа опозичного Smeru-SD Роберта Фіца на стрічу про його высловы з послідніх днів. Глава штату ся вчера стрітла з лідрами дакотрых політичных партій, абы  їх інформувала о приправованій владі одборників. Фіцо в реакції повторив, же є з презідентков в назоровім і політичнім конфлікті. “Причіны, про котры презідентка на стрічі непозвала Роберта Фіца, найдете у вшыткых його публічных выступлінях з послідніх днів і тыж у вчерайшім статусі презіденткы на соціалных сітях,“ увів діректор одбору комунікації канцеларії презіденткы Йозеф Матей. (TASR, Pkf)