Презідентка Словацькой републікы Зузана Чапутова выменує у четверь 10-го октобра новых судців Конштітучного суду. При тій нагоді приговорить ся ку конштітучным судцям і верейности. TASR о тім інформовав говорця презіденткы Мартін Стріжінєц. Парламент зволив 25-го септембра остатніх штирьох кандідатів на конштітучных судців, котрых запропоновав на выменованя презідентці. Конштітучный суд нє є наповно функчный по тім, як девятьом судцям в половині фебруара скінчів функчный період. Актуално му бракує шість із цілково 13-ох судців. Депутаты в остатній вольбі наперек незгоді партії Smer-SD заголосовали за публічне голосованя о кандідатах, кедьже в тайнім голосованю вецераз не зволив парламент потрібну кількость кандідатів.

(Медвідь, TASR)