Презідентка СР Зузана Чапутова ся у четверь на Малтї стрїтила з далшыма 11 презідентами членьскых країн ЕУ здруженых в ґрупі Arraiolos. Рокованя ся тыкали головно актуалной безпечностной сітуації в Европі а рїшіня енерґетічной крізы. TASR  о тім інформовав презіденткин говорця Мартін Стріжінець. Подля презіденткы бы ся не мало забывати, же енерґетічна кріза є припомінков великой залежности од фосілных палив, котре треба нагородити обновітельныма здроями енерґії. Презіденты діскутовали і о підвышіню нелеґалной міґрації, котрому в сучасности челять многы европскы країны. Чапутова є пересвідчена, же обмеджіня вольного погыбу обчанів в рамках Шенґену бы мало быти послїднёв можливостёв. В повязаню з войнов на Українї презіденты діскутовали о потребі продовжованя сполочного тиску на Росію. Говорили і о далшім балику санкцій, на котрім ся праві в тых днях договорила Европска унія.

(TASR, Шутіова)