Председом Народной рады (НР) СР ся в середу став підпредседа Hlasu-SD Ріхард Раші. В тайнім голосуваню достав голос од вшыткых 79 посланців, котры были притомны на голосуваню. На зволіня мусів достати найменше 76 голосів. Выслідок голосуваня выголосив в пленарнім засіданю підпредседа НР СР Петер Жіґа. Функція председы парламенту была необсаджена од апріля 2024-го року, кедь в тім часі шеф парламенту Петер Пеллеґріні переміг в презідентьскых вольбах. Керуваням НР СР быв повіреный Жіґа. Місце председы парламенту патрить подля коалічного договору  Hlasu-SD. Вольба ся місяці одкладала, бо в коаліції не была повна згода на підпору єдного кандидата. Раші ся до парламенту вернув по одході з чела міністерства інвестіцій, реґіоналного розвоя і інформатізації. У функції го вычеряв Самуел Міґаль. (TASR, Pkf)