Упрямити позорность верейности на то, же люде зо здравотным постигом суть повногоднотныма членами сполочности а мають єднакы права як здравы сполуобчане, є цїлём кампани І мы сьме ту. Єй в шорї другый рочник орґанізує Уряд комісаря про особы зо здравотным постигом (УКОЗП) од 3. до 10. децембра, котрый є Меджінародным днём людьскых прав. Говоркыня уряду Елена Корітшаньска увела, же протягом каждого дня кампани буде УКОЗП на соціалных сїтях Фейзбук і Інстаґрам публіковати відеопоздравы од рїзных особностей, котры ся занимають помочов людём зо здравотным постигом. Ку актівітам ся може придати і верейность. Стачіть од 3. до 10. децембра наточіти коротке відео зо желанём про людей зо здравотным постигом а опубліковати го на соціалных сїтях.

(TASR, Шутіова)