Дотеперішній штатный секретарь Міністерства внутра СР Лукаш Кіселіца мать днесь офіціалні у функції скінчити. Одкликаня Кіселіцу, о котре сам попросив по опублікованю інформацій о його роботі у Воєньскім справодайстві в часі передвыборчой кампанії, мать одобрити влада на своїм днешнім засіданю, першім по тройтыждньовій літній перерві. Кабінет ся мать окрім іншого заоберати і пропозиційов новелы закона о дорогах, котра бы мала підпорити турістичный рух в природно шпеціфічных локалітах Словакії. (TASR, Pkf)