Посланцї Народной рады СР вчетверь переломили вето презідента Андрія Кіску а новелу закона о здравотній старостливости одобрили в первістній формулації. Одводова одраховательна положка на здравотне поіщіня про заместнавателя ся так о януаря 2018 зрушить. Кіска крітізовав главно способ, якым ся до закона зрушіня Одводовой одраховательной положкы дістало – то, же коаліція зміну просадила через позмінюючу пропозіцію, то значіть, же то неперешло штандардным законодарным процесом а тым падом ани небыла нияк роблена аналіза наслїдків той зміны. „Дошло тым к звужіню простору на ефектівну контролю леґіслатівного процесу“, высвітлив Кіска. Міністер здровотніцьтва Томаш Друкер на марґо Кісковой крітікы узнав, же досягованя такых змін через позмінюючу пропозіцію не є штандардне а оправдати ся за то. “Не є то ароґанція моці. Але причінов є, же штандардный леґіслатівный процес бы проходив аж пять місяцїв. Мы сьме Одводову одраховательну положку хотїли первісно зрушити в януарю 2019, але дошло к істым обовязкам коаліції, же хотїли завести 13-ый і 14-ый плат, што принесе далшы одводовы улявы і на уровни здравотного поіщіня,“ повів Друкер.
(TASR)