Право на выплачуваня заробітку посланців по занику іх мандату про правоплатне одсуджіня за карный поступок ся рушыть. Посланці Народной рады СР вчера одобрили новелу закона о заробітковых одношінях дакотрых уставных діятелів з ділні SaS. Предкладателі поважовали за нелоґічне і несправне, абы право на выплачуваня двох або трьох заробітків мали по занику мандату і тоты посланці, котрым мандат заникнув „з причины правоплатного одсуджіня за умыселный карный поступок або за карный поступок, при котрім небыв выкон тресту однятя слободы подмінено одложеный“. З той причины пропонували, абы в такім припаді немав одсудженый посланец  на выплачіня заробіткку право.  (TASR, Pkf)