Посланці Народной рады СР мають в року 2024 зарабляти высше 6600 евр. Посланці, котры жыють мімо Братіславского края, мають доставати цілково скоро 7000 евр. Выходить то з інформації опублікованой на вебсайті Народной рады СР. Плат посланця призначує закон о платовых односинах дакотры уставных діятелів Словацькой републикы. Посланець мать подля закона право на плат у вышці тройкратнього середнього місячного заробітку за попередній рік.  К плату патрять іщі павшалны компензації, їх вышка одлишує ся подля того, ці є посланець з Братіславского края або з іншого края. (TASR, Pkf)