Понад 66 процент жытелів Словакії є за вакцінацію, 11 процент о тім роздумує і приблизно пятина людей щіпліня проти хвороты COVID-19 не хоче. Выходить то з баданя аґентуры AKO о вакцінації і наряджінях проти хвороты COVID-19. Баданя реалізовало ся на взорці 1000 респондентів од 21-го до 26-го юла. На понедільковій пресконференції о тім інформовала председкыня Выбору народной рады Словацькой републікы про здравотницьтво Яна Бітто Циґаникова. Міністер здравотницьтва Владимір Ленґварьскый меджітым приготовив матеріал ку повинному щіпліню. Як в понедільок повів, мож ся бавити о тім, ці гей або ніт повинній вакцінації і про котру ґрупу. Но вірить, же тема буде мати іщы вывой.

(Медвідь, TASR)