Польскы Русины вєдно із свойов орґанізаційов Стоваришыня Лемків святкують у тім році 30 років актівной роботы. В суботу 6-го апріля Стоваришыня Лемків зорґанізовало в Ліґніці 8-ый конґрес орґанізації, на челі котрой цілых 30 років стояв Андрій Копча і  котрого на далшый період потвердив і споминаный конґрес.  Юбілей орґанізації собі Лемкы припомянули выставков архівных документів і презентаційов найвекшых успіхів. Стоваришыня Лемків было єдным із основателів 1-го Світового конґресу Русинів у 1991-ім році в Меджілабірцях. Орґанізація была ініціатором навчаня лемківского языка в основных і середніх школахк і выдаваня часопису Бесіда, котра таксамо святкує свій 30-річный юбілей. (А. Кузмякова)