Подля руху OĽaNO влада вышленінём двох міліонів евр на додаточне приятя далшых 150 штудентів до першого рочника медіціны проблем з недостатком здравотніцькых працовників не рїшить. Резорт здравотніцьтва подля опозічных посланцїв глядать рішіня, як мотівовати абсолвентів лекарьскых факулт зістати на Словакії, но дотеперь не передложыв жадну довгодобу стратеґію. Міністерство зась приступує к рішіню несістемово, затоже ся снажить єдноразово інвестовати два міліоны евр лем до єдной ґрупы здравотників. Посланкыня Народной рады і заступкыня OĽaNO Елена Червенякова говорить, же влада не венує достаточну ýвагу опатрїням на стабілізацію людьскых здроїв. „Мусять быти вытворены економічны, працовны і соціалны условія, жебы не провоковали здравотніцькых працовників к одходу з країны. Мало бы быти нормов, же інвестовати до навчаня ся на Словакії выплатить,“ повіла Червенякова.
(TASR)