Майже третина вшыткых штрек є в злім стані. Злый стан інфраштруктуры запричінює пізніня влаків. Желізніці Словацькой републікы навеце того часу знижують вытраты на утримованя. На понедільковій пресконференції то повів депутат руху OĽaNO Ян Марош, з тым, же тот стан може вести аж ку колапсу желізнічного транспорту. Марош вказав на то, же зла інфраштруктура запричінює, же влакы денно пізнять цілково 750 минут, і то лем зато, же штрекы не суть достаточно утримованы. Рух єдночасно звернув увагу на то, же желізніці того часу запроваджають крокы, котры мають знижыти вытраты а причінов має быти непрязна фінанчна сітуація. Предметом тых кроків є наприклад не хосновати матеріал зо складів, не обїднавати хыбуючій матеріал, а переоцінити ся мають і планованы оправы штрек. Рух ся зато звернув до міністра транспорту Арпада Ершека, жебы ся тов сітуаційов зачав занимати.

(Медвідь, TASR)