Основныма пілєрами даньовой і одводовой реформы будуть феровы дані, єдна дань і єден одвод, як і 200 евр місячні на дітину. Увів то на пресовій бісіді міністер фінанцій СР Іґор Матовіч. Реформа буде подля його слов “значно прородинна“. Єдночасно попер медіалізованы інформації о можнім нарості DPH  на 25 %. О даньово-одводовій реформі ся подля нього діскутовало од літа минулого рока. Єднотливы крокы реформы бы хотів представити о “пару тыжднів“, подля його слов може “о два тыждні“. (TASR, Pkf)