Міністер фінанцій Іґор Матовіч собі недумать, же ся зла епідеміолоґічна сітуація до Різдва зліпшыть. Локдавн ся прото подля нього буде продовжувати. Увів то в недільній діскусній релації  TA3 V politike. Єдночасно говорив о тім, же в часі найближшых двох тыжднів ся укаже, ці владна коаліція мать або немать змысел. Як коаліція невыужыє уставну векшыну на вырішуючі зміны, котрыма міністер подмінює выслідну подобу штатного розрахунку, мали бы подля нього ліпше ‟розпустити‟. Выслідну подобу розрахунку на рік 2022 Іґор Матовіч подмінив одобріньом пару законів. (TASR, Pkf)