Пленум Народной рады (НР) СР ся на кінці вчерайшого їднаня веновало новелі о штатных святах, дньох робочого покоя і памятных днів. До парламенту ю предложыли опозичны посланці Анна Заборска і Ріхард Вашечка. Хочуть ньов просадити заведжіня нового штатного свята к вырочу Свічковой маніфестації. Свой замірь высвітлили потребов звышовати відомость о тоталітных періодах словацькой історії, вынятково тых, котры ся 25-го марця 1988-го року поставили на оборону людьскых прав. Поуказали на то, же без даной події бы небыла ани Ніжна революція. Споминане штатне свято  бы мало быти 25-го марца, в День запасу за людьскы права. Посланці ся до лавок вернули днесь рано. О продіскутованых пунктах мають в часі дня і голосувати. (TASR, Pkf)