Моноґолско видить бівшый потенціял в сполупраці із Словакійов, котрый дотепер небыв выужытый. Підтвердив то підпредседа влады СР про інвестиції і інформатизацію Петро Пеллеґріні. “Было бы добрі, кедьбы ся нам сполочні подарило обновити економічну і господарску сполупрацю холем на уровні, котру сме мали в минулости,“ увів. Сполупрацовати бы ся за його словами дало в області потравинарства, баницьтва ці імплементації наймодернішых ІТ технолоґій. Актуална господарска выміна некорешпондує на основі його слов с потенціялом, котрый меджі обідвома країнамі є. Підпредседа влады СР Пеллеґріні є сполочні с міністром фінанцій Петром Кажіміром і міністром господарства Петром Жіґом на робочій навщіві в Монґолску. Іде о першу робочу навщіву членів словацькой влады в Монґолску од взнику Словацькой републикы в року 1993.
(Петро Кімак-Фейко)