Воєньска інвазія і наслідна 20-річна окупація бывшого Ческословеньска была грубым порушіньом меджінародного права. Од того незаконного акту ся в минулости поступово діштанцовали совїтьскы і російскы представителі, котры ся за тоту історічну кривду против Чехам і Словакам і офіціалні выправдали. Пише ся то у выголошеню, котре ТАСР дала говоркыня председу  влады СР Петра Пелеґрініго Патріція Мацікова. У выголошеню  ся далей пише, же председа влады СР буде на дану тему говорити з представителями Російской федерації в часі свойой найближшой навштівы. Своїм выголосіньом словацькый премьєр реаґував на медіалізовану справу о заключінях округлого стола, котрый в російскій Штатній думі 30. мая орґанізувала фракція комуністів. (TASR, Пкф)